June 4, 2026
Punjab Speaks Team / Punjab
ਨਵੀਂ ਦਿੱਲੀ 04 ਜੂਨ 2026 :ਜੇਕਰ ਤੁਸੀਂ ਨਿਵੇਸ਼ ਦੀ ਤਾਕਤ ਨੂੰ ਸਮਝਣਾ ਚਾਹੁੰਦੇ ਹੋ ਤਾਂ ਫ੍ਰੈਂਕਲਿਨ ਟੈਂਪਲਟਨ ਮਿਊਚਲ ਫੰਡ ਦਾ ਇਹ ਨਵਾਂ ਡੇਟਾ ਤੁਹਾਨੂੰ ਹੈਰਾਨ ਕਰ ਸਕਦਾ ਹੈ। ਬਾਜ਼ਾਰ ਦੇ ਉਤਾਰ-ਚੜ੍ਹਾਅ ਵਿਚਾਲੇ ਕਿਵੇਂ ਲੰਬੇ ਸਮੇਂ ਦਾ ਨਿਵੇਸ਼ ਇੱਕ ਵੱਡਾ ਫੰਡ ਤਿਆਰ ਕਰਦਾ ਹੈ, ਇਹ ਇਸ ਸਕੀਮ ਨੇ ਸਾਬਤ ਕਰ ਦਿਖਾਇਆ ਹੈ।
ਫ੍ਰੈਂਕਲਿਨ ਟੈਂਪਲਟਨ ਮਿਊਚਲ ਫੰਡ ਨੇ ਹਾਲ ਹੀ ਵਿੱਚ ਇਸ ਫੰਡ ਦੇ 20 ਸਾਲ ਪੂਰੇ ਹੋਣ ‘ਤੇ ਆਪਣੇ ਦੋ ਦਹਾਕਿਆਂ ਦਾ ਡਾਟਾ ਸਾਂਝਾ ਕੀਤਾ ਹੈ। ਇਸ ਫੰਡ ਦਾ ਐਸੇਟ ਅੰਡਰ ਮੈਨੇਜਮੈਂਟ (AUM) 2,300 ਕਰੋੜ ਰੁਪਏ ਨੂੰ ਪਾਰ ਕਰ ਗਿਆ ਹੈ। ਪਹਿਲਾਂ ਇਸ ਫੰਡ ਦਾ ਨਾਮ ‘ਟੈਂਪਲਟਨ ਇੰਡੀਆ ਇਕੁਇਟੀ ਇਨਕਮ ਫੰਡ’ ਸੀ। ਇਹ ਫੰਡ ਡਿਵੀਡੈਂਡ ਯੀਲਡ-ਫੋਕਸਡ ਇਨਵੈਸਟਮੈਂਟ ਸਟ੍ਰੈਟਜੀ ਦੀ ਵਰਤੋਂ ਕਰਦਾ ਹੈ। ਇਸ ਦਾ ਮਤਲਬ ਹੈ ਕਿ ਇਹ ਫੰਡ ਮੁੱਖ ਤੌਰ ‘ਤੇ ਉਨ੍ਹਾਂ ਕੰਪਨੀਆਂ ਦੇ ਸ਼ੇਅਰਾਂ ਵਿੱਚ ਨਿਵੇਸ਼ ਕਰਦਾ ਹੈ, ਜਿਨ੍ਹਾਂ ਦੀ ਡਿਵੀਡੈਂਡ ਯੀਲਡ ਜ਼ਿਆਦਾ ਹੈ। ਆਓ ਜਾਣਦੇ ਹਾਂ ਇਸ ਵਿੱਚ ਪੈਸਾ ਲਗਾਉਣ ਵਾਲਿਆਂ ਨੇ ਕਿੰਨਾ ਮੁਨਾਫ਼ਾ ਕਮਾਇਆ ਹੋਵੇਗਾ।
ਕੀ ਹੈ ਇਸ ਫੰਡ ਦਾ ਨਾਮ ਤੇ ਕੰਮ ਕਰਨ ਦਾ ਤਰੀਕਾ
ਇਸ ਫੰਡ ਦਾ ਨਾਮ ਹੈ ਫ੍ਰੈਂਕਲਿਨ ਇੰਡੀਆ ਡਿਵੀਡੈਂਡ ਯੀਲਡ ਫੰਡ ਹਾਲਾਂਕਿ ਪਹਿਲਾਂ ਇਸ ਦਾ ਨਾਮ ‘ਟੈਂਪਲਟਨ ਇੰਡੀਆ ਇਕੁਇਟੀ ਇਨਕਮ ਫੰਡ’ ਹੁੰਦਾ ਸੀ। ਸਫ਼ਲਤਾ ਦੇ ਇਸੇ ਟਰੈਕ ਰਿਕਾਰਡ ਕਰਕੇ ਅੱਜ ਇਸ ਫੰਡ ਦਾ ਕੁੱਲ ਐਸੇਟ ਅੰਡਰ ਮੈਨੇਜਮੈਂਟ (AUM) ₹2,300 ਕਰੋੜ ਦੇ ਪਾਰ ਪਹੁੰਚ ਚੁੱਕਾ ਹੈ।
20 ਸਾਲਾਂ ‘ਚ ਕਿੰਨਾ ਰਿਟਰਨ ਮਿਲਿਆ
SIP ਨਿਵੇਸ਼: ਜੇਕਰ ਕਿਸੇ ਨਿਵੇਸ਼ਕ ਨੇ 20 ਸਾਲ ਪਹਿਲਾਂ ਇਸ ਫੰਡ ਵਿੱਚ ₹10,000 ਦੀ ਮਹੀਨਾਵਾਰ SIP ਸ਼ੁਰੂ ਕੀਤੀ ਸੀ ਤਾਂ ਅੱਜ ਉਨ੍ਹਾਂ ਦਾ ਕੁੱਲ ਫੰਡ ਵਧ ਕੇ ₹1.2 ਕਰੋੜ ਹੋ ਗਿਆ ਹੋਵੇਗਾ। ਯਾਨੀ 20 ਸਾਲਾਂ ਵਿੱਚ ਨਿਵੇਸ਼ਕ ਨੇ ₹24 ਲੱਖ ਲਗਾਏ ਹੋਣਗੇ ਅਤੇ ਰਿਟਰਨ ਵਿੱਚ ਉਨ੍ਹਾਂ ਨੂੰ ₹1.2 ਕਰੋੜ ਮਿਲੇ।
ਇੱਕਮੁਸ਼ਤ (Lump sum) ਨਿਵੇਸ਼: ਜੇਕਰ ਕਿਸੇ ਨੇ 20 ਸਾਲਾਂ ਲਈ ਇਸ ਫੰਡ ਵਿੱਚ 1 ਲੱਖ ਰੁਪਏ ਦੀ ਇੱਕਮੁਸ਼ਤ ਰਕਮ ਲਗਾਈ ਹੁੰਦੀ ਤਾਂ ਅੱਜ ਉਸ ਦੀ ਵੈਲਿਊ ਵਧ ਕੇ ₹13.6 ਲੱਖ ਹੋ ਗਈ ਹੁੰਦੀ।
ਨਿਫਟੀ ਨੂੰ ਵੀ ਪਿੱਛੇ ਛੱਡਿਆ
ਰਿਟਰਨ ਦੇ ਮਾਮਲੇ ਵਿੱਚ ਇਸ ਫੰਡ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਸ਼ੁਰੂਆਤ ਤੋਂ ਲੈ ਕੇ ਹੁਣ ਤੱਕ ਇਸ ਫੰਡ ਨੇ 13.97% ਦਾ ਸਾਲਾਨਾ ਕੰਪਾਊਂਡਿਡ ਰਿਟਰਨ (CAGR) ਦਿੱਤਾ ਹੈ। ਇਸ ਦੀ ਤੁਲਨਾ ਜੇਕਰ ਬੈਂਚਮਾਰਕ ਇੰਡੈਕਸ ਨਾਲ ਕਰੀਏ, ਤਾਂ ਇਸੇ 20 ਸਾਲ ਦੀ ਮਿਆਦ ਵਿੱਚ ‘Nifty 500 Total Return Index’ ਵਿੱਚ ₹1 ਲੱਖ ਦਾ ਨਿਵੇਸ਼ ਵਧ ਕੇ ₹10.3 ਲੱਖ ਹੀ ਹੋਇਆ, ਜਿਸ ਨੇ 12.39% ਦਾ CAGR ਰਿਟਰਨ ਦਿੱਤਾ। ਯਾਨੀ ਇਸ ਫੰਡ ਨੇ ਇੰਡੈਕਸ ਦੇ ਮੁਕਾਬਲੇ ਨਿਵੇਸ਼ਕਾਂ ਨੂੰ ਜ਼ਿਆਦਾ ਮੁਨਾਫ਼ਾ ਕਮਾ ਕੇ ਦਿੱਤਾ ਹੈ।
ਇਹ ਫੰਡ ਕਿਵੇਂ ਕੰਮ ਕਰਦਾ ਹੈ
ਡਿਵੀਡੈਂਡ ‘ਤੇ ਫੋਕਸ: ਇਹ ਸਕੀਮ ‘ਡਿਵੀਡੈਂਡ ਯੀਲਡ-ਫੋਕਸਡ ਇਨਵੈਸਟਮੈਂਟ ਸਟ੍ਰੈਟਜੀ’ ‘ਤੇ ਚੱਲਦੀ ਹੈ। ਇਸ ਦਾ ਮਤਲਬ ਹੈ ਕਿ ਫੰਡ ਮੈਨੇਜਰ ਮੁੱਖ ਤੌਰ ‘ਤੇ ਅਜਿਹੀਆਂ ਕੰਪਨੀਆਂ ਦੇ ਸ਼ੇਅਰਾਂ ਨੂੰ ਚੁਣਦੇ ਹਨ, ਜਿਨ੍ਹਾਂ ਦਾ ਡਿਵੀਡੈਂਡ ਦੇਣ ਦਾ ਬਿਹਤਰੀਨ ਰਿਕਾਰਡ ਹੁੰਦਾ ਹੈ ਅਤੇ ਜਿਨ੍ਹਾਂ ਦੀ ਡਿਵੀਡੈਂਡ ਯੀਲਡ ਜ਼ਿਆਦਾ ਹੁੰਦੀ ਹੈ।
ਡਾਊਨਸਾਈਡ ਪ੍ਰੋਟੈਕਸ਼ਨ: ਫੰਡ ਦੇ ਪੋਰਟਫੋਲੀਓ ਮੈਨੇਜਰ ਰਾਜੇਸ਼ ਕਾਕੁਲਾਵਾਰਾਪੂ ਦਾ ਕਿਹਣਾ ਹੈ ਕਿ ਇਸ ਫੰਡ ਦਾ ਮੁੱਖ ਮਕਸਦ ਬਾਜ਼ਾਰ ਦੀ ਗਿਰਾਵਟ ਵਿੱਚ ਨਿਵੇਸ਼ਕਾਂ ਦੇ ਪੈਸਿਆਂ ਨੂੰ ਸੁਰੱਖਿਅਤ ਰੱਖਣਾ ਅਤੇ ਲੰਬੇ ਸਮੇਂ ਵਿੱਚ ਕੰਪਾਊਂਡਿੰਗ ਦਾ ਫ਼ਾਇਦਾ ਦੇਣਾ ਹੈ।
ਕਿੱਥੇ-ਕਿੱਥੇ ਨਿਵੇਸ਼ ਕਰਦਾ ਹੈ ਇਹ ਫੰਡ
ਜੋਖਮ (Risk) ਨੂੰ ਘੱਟ ਕਰਨ ਲਈ ਇਹ ਫੰਡ ਕਿਸੇ ਇੱਕ ਸੈਕਟਰ ਵਿੱਚ ਸਾਰਾ ਪੈਸਾ ਨਹੀਂ ਲਗਾਉਂਦਾ, ਬਲਕਿ ਵੱਖ-ਵੱਖ ਮਾਰਕੀਟ ਕੈਪ ਵਾਲੀਆਂ ਕੰਪਨੀਆਂ ਵਿੱਚ ਨਿਵੇਸ਼ ਕਰਦਾ ਹੈ। ਇਸ ਦੇ ਪੋਰਟਫੋਲੀਓ ਵਿੱਚ ਬੈਂਕਿੰਗ ਐਂਡ ਫਾਈਨੈਂਸ਼ੀਅਲ ਸਰਵਿਸਿਜ਼, ਪਾਵਰ ਐਂਡ ਐਨਰਜੀ, ਆਈ.ਟੀ., ਐੱਫ.ਐੱਮ.ਸੀ.ਜੀ. (FMCG), ਆਟੋਮੋਬਾਈਲ, ਟੈਲੀਕਾਮ, ਕੰਜ਼ਿਊਮਰ ਡਿਊਰੇਬਲਸ ਦੇ ਨਾਲ-ਨਾਲ ਐਰੋਸਪੇਸ ਅਤੇ ਡਿਫੈਂਸ ਵਰਗੇ ਸੈਕਟਰ ਸ਼ਾਮਲ ਹਨ।
ਪਿਛਲੇ 12 ਮਹੀਨਿਆਂ ਦੌਰਾਨ ਇਸ ਫੰਡ ਦਾ ਔਸਤਨ 54% ਪੈਸਾ ਲਾਰਜਕੈਪ ਕੰਪਨੀਆਂ ਵਿੱਚ ਲੱਗਿਆ ਰਿਹਾ। ਇਹ ਫੰਡ ਦੇਸ਼ ਤੋਂ ਬਾਹਰ ਵੀ ਨਿਵੇਸ਼ ਕਰਦਾ ਹੈ। ਅਪ੍ਰੈਲ 2026 ਦੇ ਅੰਕੜਿਆਂ ਅਨੁਸਾਰ, ਇਸ ਦਾ ਕਰੀਬ 8% ਪੈਸਾ ਅਮਰੀਕਾ, ਦੱਖਣੀ ਕੋਰੀਆ ਅਤੇ ਤਾਈਵਾਨ ਵਰਗੇ ਵਿਦੇਸ਼ੀ ਬਾਜ਼ਾਰਾਂ ਵਿੱਚ ਲੱਗਿਆ ਹੋਇਆ ਸੀ। ਇਸ ਤੋਂ ਇਲਾਵਾ, ਇਸ ਨੇ 4 ਲਿਸਟਿਡ ਰੀਅਲ ਐਸੇਟ ਇਨਵੈਸਟਮੈਂਟ ਟ੍ਰਸਟਸ (REITs) ਵਿੱਚ 9% ਤੋਂ ਜ਼ਿਆਦਾ ਦਾ ਨਿਵੇਸ਼ ਕੀਤਾ ਹੋਇਆ ਹੈ।
Best Mutual Fund Monthly SIP Of 10 000 Made You The Owner Of 1 2 Crore Do You Have This 20 year old Fund
