ਨਵੀਂ ਦਿੱਲੀ 01 ਜੁਲਾਈ 2026 : ਜੁਲਾਈ ਦੇ ਪਹਿਲੇ ਦਿਨ ਆਮ ਲੋਕਾਂ ਨੂੰ ਘਰੇਲੂ ਐਲ.ਪੀ.ਜੀ. (LPG) ਸਿਲੰਡਰ ‘ਤੇ ਤਾਂ ਕੋਈ ਰਾਹਤ ਨਹੀਂ ਮਿਲੀ ਪਰ ਕਮਰਸ਼ੀਅਲ ਉਪਭੋਗਤਾਵਾਂ (ਰੈਸਟੋਰੈਂਟ, ਢਾਬਾ, ਹੋਟਲ ਆਦਿ) ਲਈ ਚੰਗੀ ਖ਼ਬਰ ਹੈ। ਤੇਲ ਕੰਪਨੀਆਂ ਨੇ 19 ਕਿੱਲੋ ਵਾਲੇ ਕਮਰਸ਼ੀਅਲ ਐਲ.ਪੀ.ਜੀ. ਸਿਲੰਡਰ ਦੀਆਂ ਕੀਮਤਾਂ ਵਿੱਚ 174 ਰੁਪਏ ਤੋਂ ਲੈ ਕੇ 183.50 ਰੁਪਏ ਤੱਕ ਦੀ ਕਟੌਤੀ ਕਰ ਦਿੱਤੀ ਹੈ।

ਦੂਜੇ ਪਾਸੇ, ਤੇਲ ਕੰਪਨੀਆਂ ਨੇ 14.2 ਕਿੱਲੋ ਵਾਲੇ ਘਰੇਲੂ ਰਸੋਈ ਗੈਸ ਸਿਲੰਡਰ ਦੀਆਂ ਕੀਮਤਾਂ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਹੈ ਅਤੇ ਇਸ ਦੇ ਦਾਮ ਜਿਉਂ ਦੇ ਤਿਉਂ ਬਣੇ ਹੋਏ ਹਨ।

ਦਿੱਲੀ ਵਿੱਚ ਸਭ ਤੋਂ ਵੱਧ ਰਾਹਤ ਮਿਲੀ ਹੈ, ਜਿੱਥੇ ਇੱਕ ਸਿਲੰਡਰ ‘ਤੇ 183.50 ਰੁਪਏ ਘੱਟ ਖਰਚ ਕਰਨੇ ਪੈਣਗੇ। ਲਖਨਊ ਅਤੇ ਪਟਨਾ ਵਿੱਚ ਵੀ ਇਹੀ ਕਟੌਤੀ ਲਾਗੂ ਹੋਈ ਹੈ। ਕੋਲਕਾਤਾ ਵਿੱਚ ਥੋੜ੍ਹੀ ਘੱਟ ਰਾਹਤ (174 ਰੁਪਏ) ਦਿੱਤੀ ਗਈ ਹੈ।

ਇੰਡੀਅਨ ਆਇਲ ਦੇ ਨਵੇਂ ਰੇਟ ਮੁਤਾਬਕ 19 ਕਿੱਲੋ ਵਾਲੇ ਕਮਰਸ਼ੀਅਲ ਸਿਲੰਡਰ ਦੀ ਕੀਮਤ 183.50 ਰੁਪਏ ਘਟ ਕੇ ਹੁਣ 2,930 ਰੁਪਏ ਹੋ ਗਈ ਹੈ, ਜੋ ਪਹਿਲਾਂ 3,113.50 ਰੁਪਏ ਸੀ। ਪਟਨਾ ਵਿੱਚ ਘਰੇਲੂ ਸਿਲੰਡਰ ਦੀ ਕੀਮਤ 1,031.50 ਰੁਪਏ ਹੀ ਰਹੇਗੀ, ਜਦੋਂ ਕਿ ਕਮਰਸ਼ੀਅਲ ਸਿਲੰਡਰ ਹੁਣ 3,227 ਰੁਪਏ ਵਿੱਚ ਮਿਲੇਗਾ।