May 18, 2026
Punjab Speaks Team / Punjab
ਨਵੀਂ ਦਿੱਲੀ 18 ਮਈ 2026:ਕਾਰੋਬਾਰੀ ਹਫ਼ਤੇ ਦੇ ਪਹਿਲੇ ਦਿਨ ਸੋਮਵਾਰ ਨੂੰ ਸ਼ੇਅਰ ਬਾਜ਼ਾਰ ਵਿੱਚ ਕਮਜ਼ੋਰ ਸ਼ੁਰੂਆਤ ਹੋ ਸਕਦੀ ਹੈ। ਅਸਲ ਵਿੱਚ ਸਵੇਰੇ ਸਾਢੇ 7 ਵਜੇ ਦੇ ਕਰੀਬ ਗਿਫਟ ਨਿਫਟੀ168 ਅੰਕ ਜਾਂ 0.71 ਫੀਸਦੀ ਡਿੱਗ ਕੇ 23,540 ‘ਤੇ ਹੈ, ਜੋ ਸ਼ੇਅਰ ਬਾਜ਼ਾਰ ਵਿੱਚ ਕਮਜ਼ੋਰ ਸ਼ੁਰੂਆਤ ਦਾ ਸੰਕੇਤ ਹੈ।
ਦਰਅਸਲ, ਸੋਮਵਾਰ ਨੂੰ ਤੇਲ ਦੀਆਂ ਕੀਮਤਾਂ ਵਿੱਚ ਤੇਜ਼ੀ ਆਈ ਹੈ ਕਿਉਂਕਿ ਈਰਾਨ ਦੇ ਨਾਲ ਅਮਰੀਕਾ-ਇਜ਼ਰਾਈਲ ਜੰਗ ਨੂੰ ਖ਼ਤਮ ਕਰਨ ਦੀਆਂ ਕੋਸ਼ਿਸ਼ਾਂ ਰੁਕਦੀਆਂ ਹੋਈਆਂ ਦਿਖਾਈ ਦੇ ਰਹੀਆਂ ਹਨ। ਅਜਿਹਾ ਉਦੋਂ ਹੋਇਆ ਜਦੋਂ ਯੂਏਈ ਦੇ ਇੱਕ ਨਿਊਕਲੀਅਰ ਪਾਵਰ ਪਲਾਂਟ ‘ਤੇ ਹਮਲਾ ਹੋਇਆ ਹੈ। ਮੀਡੀਆ ਰਿਪੋਰਟਾਂ ਅਨੁਸਾਰ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਈਰਾਨ ‘ਤੇ ਫੌਜੀ ਆਪਸ਼ਨਾਂ ਬਾਰੇ ਚਰਚਾ ਕਰ ਸਕਦੇ ਹਨ।
ਕਿੱਥੋਂ ਤੱਕ ਪਹੁੰਚੀਆਂ ਤੇਲ ਦੀਆਂ ਕੀਮਤਾਂ
ਭਾਰਤੀ ਸਮੇਂ ਅਨੁਸਾਰ ਸਵੇਰੇ ਸਾਢੇ 7 ਵਜੇ ਦੇ ਕਰੀਬ ਡਬਲਯੂ.ਟੀ.ਆਈ ਕਰੂਡ ਦੀ ਕੀਮਤ 2.3 ਡਾਲਰ ਜਾਂ 2.23% ਦੇ ਵਾਧੇ ਨਾਲ 107.769 ਡਾਲਰ ਪ੍ਰਤੀ ਬੈਰਲ ‘ਤੇ ਹੈ। ਉੱਥੇ ਹੀ ਬ੍ਰੈਂਟ ਕਰੂਡ ਦੀ ਕੀਮਤ ਇਸ ਸਮੇਂ 1.82 ਫੀਸਦੀ ਵਧ ਕੇ 111.25 ਡਾਲਰ ਪ੍ਰਤੀ ਬੈਰਲ ‘ਤੇ ਹੈ।
ਦੂਜੇ ਪਾਸੇ ਅੱਜ ਏਸ਼ੀਆਈ ਬਾਜ਼ਾਰਾਂ ਵਿੱਚ ਵੀ ਬਿਕਵਾਲੀ ਦੇਖਣ ਨੂੰ ਮਿਲ ਰਹੀ ਹੈ।
ਭਾਰਤੀ ਮਾਰਕੀਟ ‘ਚ ਇਨ੍ਹਾਂ ਸਟਾਕਸ ‘ਚ ਦੇਖਿਆ ਜਾ ਸਕਦਾ ਹੈ ਐਕਸ਼ਨ
Q4 Results Today: ਇੰਡੀਅਨ ਆਇਲ ਕਾਰਪੋਰੇਸ਼ਨ, ਐਫਕਾਨਸ ਇੰਫਰਾਸਟਰਕਚਰ, ਓਲਾ ਇਲੈਕਟ੍ਰਿਕ ਮੋਬਿਲਿਟੀ, ਅਪੋਲੋ ਮਾਈਕ੍ਰੋ ਸਿਸਟਮਸ, ਐਸਟ੍ਰਲ, DOMS ਇੰਡਸਟਰੀਜ਼, ਗੁਜਰਾਤ ਨਰਮਦਾ ਵੈਲੀ ਫਰਟੀਲਾਈਜ਼ਰਸ ਐਂਡ ਕੈਮੀਕਲਸ, GE ਵਰਨੋਵਾ T&D ਇੰਡੀਆ, ਇੰਦਰਪ੍ਰਸਥ ਗੈਸ, JSW ਸੀਮੈਂਟ, ਪੁਰਵੰਕਾਰਾ, ਸਨ ਫਾਰਮਾ ਐਡਵਾਂਸਡ ਰਿਸਰਚ ਕੰਪਨੀ, ਸਟ੍ਰਾਈਡਸ ਫਾਰਮਾ ਸਾਇੰਸ, ਬਾਜ਼ਾਰ ਸਟਾਈਲ ਰਿਟੇਲ, ਤ੍ਰਿਵੇਣੀ ਟਰਬਾਈਨ ਅਤੇ ਜ਼ਾਈਡਸ ਵੈਲਨੈਸ ਅੱਜ ਆਪਣੇ ਤਿਮਾਹੀ ਨਤੀਜੇ ਐਲਾਨਣਗੇ।
Tata Steel: ਮੁਨਾਫਾ 146.9% ਵਧ ਕੇ ₹2,965 ਕਰੋੜ ਰਿਹਾ, ਜਦੋਂ ਕਿ ਪਹਿਲਾਂ ਇਹ ₹1,200.9 ਕਰੋੜ ਸੀ। ਰੈਵੇਨਿਊ (ਆਮਦਨ) 12.5% ਵਧ ਕੇ ₹63,270.1 ਕਰੋੜ ਹੋ ਗਿਆ, ਜਦੋਂ ਕਿ ਪਹਿਲਾਂ ਇਹ ₹56,218.1 ਕਰੋੜ ਸੀ।
ITC Hotels: ਮੁਨਾਫਾ 23% ਵਧ ਕੇ ₹315.9 ਕਰੋੜ ਹੋ ਗਿਆ, ਜਦੋਂ ਕਿ ਪਹਿਲਾਂ ਇਹ ₹256.9 ਕਰੋੜ ਸੀ। ਰੈਵੇਨਿਊ 18.2% ਵਧ ਕੇ ₹1,253.7 ਕਰੋੜ ਹੋ ਗਿਆ, ਜਦੋਂ ਕਿ ਪਹਿਲਾਂ ਇਹ ₹1,060.6 ਕਰੋੜ ਸੀ।
Power Grid: ਮੁਨਾਫਾ 9.7% ਵਧ ਕੇ ₹4,546.3 ਕਰੋੜ ਹੋਇਆ, ਜਦੋਂ ਕਿ ਪਹਿਲਾਂ ਇਹ ₹4,142.9 ਕਰੋੜ ਸੀ। ਰੈਵੇਨਿਊ 5% ਡਿੱਗ ਕੇ ₹11,665.6 ਕਰੋੜ ਰਿਹਾ, ਜਦੋਂ ਕਿ ਪਹਿਲਾਂ ਇਹ ₹12,275.4 ਕਰੋੜ ਸੀ।
SAIL: ਮੁਨਾਫਾ 46.6% ਵਧ ਕੇ ₹1,835.5 ਕਰੋੜ ਹੋ ਗਿਆ, ਜਦੋਂ ਕਿ ਪਹਿਲਾਂ ਇਹ ₹1,252 ਕਰੋੜ ਸੀ। ਰੈਵੇਨਿਊ 5.1% ਵਧ ਕੇ ₹30,813.5 ਕਰੋੜ ਹੋ ਗਿਆ, ਜਦੋਂ ਕਿ ਪਹਿਲਾਂ ਇਹ ₹29,316.1 ਕਰੋੜ ਸੀ।
Godfrey Phillips: ਮੁਨਾਫਾ 86.7% ਵਧ ਕੇ ₹521.4 ਕਰੋੜ ਹੋ ਗਿਆ, ਜੋ ਪਹਿਲਾਂ ₹279.3 ਕਰੋੜ ਸੀ। ਰੈਵੇਨਿਊ 13.6% ਵਧ ਕੇ ₹1,787.3 ਕਰੋੜ ਹੋ ਗਿਆ, ਜੋ ਪਹਿਲਾਂ ₹1,573.4 ਕਰੋੜ ਸੀ।
Impact Of Middle East Tensions Oil Prices Rise Stock Market Shows Signs Of Decline
