ਦਿਲਜੀਤ ਦੋਸਾਂਝ ਦੀ ਫਿਲਮ ਸਰਦਾਰ ਜੀ 3 ਭਾਰਤ ਤੋਂ ਇਲਾਵਾ ਦੁਨੀਆ ਭਰ ਵਿੱਚ ਰਿਲੀਜ਼ ਹੋਈ। ਇਸ ਫਿਲਮ ਵਿੱਚ ਪੰਜਾਬੀ ਅਦਾਕਾਰ-ਗਾਇਕ ਦਿਲਜੀਤ ਦੋਸਾਂਝ ਹਾਨੀਆ ਆਮਿਰ ਅਤੇ ਕਈ ਪਾਕਿਸਤਾਨੀ ਅਭਿਨੇਤਰੀਆਂ ਦੇ ਨਾਲ ਨਜ਼ਰ ਆਏ। ਹੁਣ ਪਾਕਿਸਤਾਨੀ ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ 'ਸਰਦਾਰ ਜੀ 3' ਦਾ ਓਪਨਿੰਗ ਡੇ ਕਲੈਕਸ਼ਨ ਬਹੁਤ ਵਧੀਆ ਸੀ ਤੇ ਸ਼ੋਅ ਹਾਊਸਫੁੱਲ ਸਨ।

ਪਾਕਿਸਤਾਨੀ ਸਿਨੇਮਾਘਰਾਂ ਦੇ ਨਾਲ, 'ਸਰਦਾਰ ਜੀ 3' ਦਾ ਪਹਿਲੇ ਦਿਨ ਦਾ ਕਲੈਕਸ਼ਨ ਦੁਨੀਆ ਭਰ ਵਿੱਚ ਵੀ ਸ਼ਾਨਦਾਰ ਰਿਹਾ। ਸਰਦਾਰ ਜੀ 3 ਦੀ ਫਿਲਮ ਨੇ ਪਾਕਿਸਤਾਨੀ ਬਾਕਸ ਆਫਿਸ ਵਿੱਚ ਕੁੱਲ 3 ਕਰੋੜ ਤੋਂ ਵੱਧ ਦੀ ਕਮਾਈ ਕੀਤੀ। ਇਸ ਦੇ ਨਾਲ ਹੀ, ਫਿਲਮ ਨੇ ਦੁਨੀਆ ਭਰ ਵਿੱਚ ਆਪਣੇ ਖਾਤੇ ਵਿੱਚ 5 ਕਰੋੜ ਤੋਂ ਵੱਧ ਦੀ ਕਮਾਈ ਕੀਤੀ।ਪਾਕਿਸਤਾਨੀ ਸਿਨੇਮਾ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ ਤੋਂ ਇੱਕ ਪੋਸਟ ਸਾਂਝੀ ਕਰਕੇ ਇਹ ਅੰਕੜੇ ਸਾਂਝੇ ਕੀਤੇ। 'ਸਰਦਾਰ ਜੀ 3' ਪਾਕਿਸਤਾਨ ਵਿੱਚ ਸਭ ਤੋਂ ਵੱਧ ਓਪਨਿੰਗ ਵਾਲੀ ਪੰਜਾਬੀ ਫਿਲਮ ਹੈ।