ਭਾਰਤ ਪਾਕਿਸਤਾਨ ਦੇ ਵੱਧਦੇ ਜਾ ਰਹੇ ਤਣਾਅ ਤਹਿਤ ਬਟਾਲਾ 'ਚ ਅਲਰਟ ਜਾਰੀ ਕੀਤਾ ਗਿਆ ਹੈ ।ਪ੍ਰਸ਼ਾਸਨ ਦੇ ਹੁਕਮਾਂ ਤਹਿਤ ਪੰਜ ਮਿੰਟ ਤੱਕ ਸ਼ਾਇਰਨ ਵੱਜਿਆ ਹੈ । ਓਧਰ ਬੀਤੀ ਰਾਤ ਆਸ-ਪਾਸ ਪਿੰਡਾਂ 'ਚ ਜ਼ੋਰਦਾਰ ਧਮਾਕਿਆਂ ਦੀ ਆਵਾਜ਼ ਸੁਣੀ ਗਈ ਸੀ ਅਤੇ ਸ਼ਨਿੱਚਰਵਾਰ ਸਵੇਰ ਨੂੰ ਪਿੰਡ ਸੰਗਰਾਵਾਂ ਅਤੇ ਜੈਤੋ ਸਰਜਾ ਮਿਜ਼ਾਇਲ ਦੇ ਟੁੱਕੜੇ ਮਿਲੇ ਹਨ। ਪੰਜਾਬ ਪੁਲਿਸ ਦੇ ਅਧਿਕਾਰੀ ਮੌਕੇ 'ਤੇ ਪੁੱਜੇ ਹਨ ਅਤੇ ਮਿਲੇ ਟੁਕੜਿਆਂ ਬਾਰੇ ਫੌਜ ਨੂੰ ਸੂਚਿਤ ਕੀਤਾ ਜਾ ਰਿਹਾ ਹੈ। ਬਟਾਲਾ ਸ਼ਹਿਰ 'ਚ ਲੋਕ ਘਰਾਂ ਦੀਆਂ ਛੱਤਾਂ 'ਤੇ ਬੈਠੇ ਰਹੇ ਅਤੇ ਧਮਾਕਿਆਂ ਦੀ ਆਵਾਜ਼ ਨਾਲ ਸਹਿਮ ਕਾਰਨ ਜਾਗਦੇ ਰਹੇ। ਹਾਲਾਂਕਿ ਪ੍ਰਸ਼ਾਸਨਿਕ ਅਧਿਕਾਰੀਆਂ ਵੱਲੋਂ ਲੋਕਾਂ ਨੂੰ ਡਰ ਤੋਂ ਰਹਿਤ ਰਹਿਣ ਦੀ ਅਪੀਲ ਕੀਤੀ ਜਾ ਰਹੀ ਹੈ। ਪਰ ਨਿਰੰਤਰ ਹੋ ਰਹੇ ਧਮਾਕਿਆ ਕਾਰਨ ਲੋਕਾਂ 'ਚ ਡਰ ਪਾਇਆ ਜਾ ਰਿਹਾ ਹੈ।