ਨਵੀਂ ਦਿੱਲੀ 04 ਮਈ 2026 :ਬੰਗਾਲ ਦੀਆਂ 294 ਵਿੱਚੋਂ 293 ਵਿਧਾਨ ਸਭਾ ਸੀਟਾਂ ਦੇ ਨਤੀਜੇ ਅੱਜ ਐਲਾਨੇ ਜਾਣਗੇ। ਸੂਬੇ ਦੇ 77 ਗਿਣਤੀ ਕੇਂਦਰਾਂ ‘ਤੇ ਬੇਹੱਦ ਸਖ਼ਤ ਸੁਰੱਖਿਆ ਹੇਠ ਸਵੇਰੇ ਅੱਠ ਵਜੇ ਤੋਂ ਵੋਟਾਂ ਦੀ ਗਿਣਤੀ ਸ਼ੁਰੂ ਹੋ ਗਈ ਹੈ ਅਤੇ ਦੁਪਹਿਰ ਤੱਕ ਸਾਫ਼ ਹੋ ਜਾਵੇਗਾ ਕਿ ਬੰਗਾਲ ਵਿੱਚ ਕਿਸ ਦੀ ਸਰਕਾਰ ਬਣੇਗੀ।

ਮਮਤਾ ਬੈਨਰਜੀ ਨੇ ਕੀਤਾ ਜਿੱਤ ਦਾ ਦਾਅਵਾ

ਰੁਝਾਨਾਂ ਵਿੱਚ ਭਾਜਪਾ ਨੂੰ ਬੰਪਰ ਬੜ੍ਹਤ ਮਿਲਦੀ ਦਿਖਾਈ ਦੇ ਰਹੀ ਹੈ। ਇਸ ਦੌਰਾਨ ਮਮਤਾ ਬੈਨਰਜੀ ਨੇ ਇੱਕ ਵੀਡੀਓ ਜਾਰੀ ਕੀਤੀ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਅੰਤਿਮ ਨਤੀਜੇ ਆਉਣ ‘ਤੇ ਟੀਐੱਮਸੀ (TMC) ਹੀ ਜਿੱਤੇਗੀ। ਮਮਤਾ ਨੇ ਆਪਣੇ ਵਰਕਰਾਂ ਨੂੰ ਗਿਣਤੀ ਕੇਂਦਰ ਨਾ ਛੱਡਣ ਦੀ ਅਪੀਲ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਜਿਨ੍ਹਾਂ ਸੀਟਾਂ ‘ਤੇ ਉਨ੍ਹਾਂ ਦੀ ਪਾਰਟੀ ਜਿੱਤ ਰਹੀ ਹੈ, ਉੱਥੇ ਗਿਣਤੀ (Counting) ਹੌਲੀ ਕਰ ਦਿੱਤੀ ਗਈ ਹੈ।

ਤਾਮਿਲਨਾਡੂ ਵਿੱਚ TVK ਨੇ ਕੀਤਾ ਹੈਰਾਨ

ਤਾਮਿਲਨਾਡੂ ਵਿੱਚ ਅਦਾਕਾਰ ਵਿਜੇ ਦੀ ਪਾਰਟੀ ਟੀਵੀਕੇ (TVK) ਜ਼ਬਰਦਸਤ ਪ੍ਰਦਰਸ਼ਨ ਕਰਦੀ ਨਜ਼ਰ ਆ ਰਹੀ ਹੈ। ਉਸਨੇ ਸੱਤਾਧਾਰੀ ਡੀਐਮਕੇ ਨੂੰ ਪਛਾੜਦੇ ਹੋਏ 82 ਸੀਟਾਂ ‘ਤੇ ਲੀਡ ਬਣਾਈ ਹੋਈ ਹੈ, ਜਦਕਿ ਡੀਐਮਕੇ 58 ਸੀਟਾਂ ‘ਤੇ ਅੱਗੇ ਚੱਲ ਰਹੀ ਹੈ।

ਕੇਰਲਮ ਵਿੱਚ ਕੌਣ ਅੱਗੇ?

ਕੇਰਲਮ ਦੀਆਂ 140 ਸੀਟਾਂ ‘ਤੇ ਵੋਟਾਂ ਦੀ ਗਿਣਤੀ ਹੋ ਰਹੀ ਹੈ ਅਤੇ ਕਾਂਗਰਸ ਦੀ ਅਗਵਾਈ ਵਾਲਾ ਯੂਡੀਐਫ (UDF) ਅੱਗੇ ਚੱਲ ਰਿਹਾ ਹੈ। ਉੱਥੇ ਹੀ ਲੈਫਟ (ਖੱਬੇ ਪੱਖੀ) ਪਿੱਛੇ ਚੱਲ ਰਹੀ ਹੈ।

ਪੁਡੂਚੇਰੀ ਦੀਆਂ 30 ਸੀਟਾਂ ‘ਤੇ ਗਿਣਤੀ ਹੋ ਰਹੀ ਹੈ ਅਤੇ ਇੱਥੇ ਭਾਜਪਾ ਨੇ ਬੰਪਰ ਲੀਡ ਬਣਾਈ ਹੋਈ ਹੈ।