14 ਅਪ੍ਰੈਲ 2026 :ਆਸਟਰੇਲੀਆ ਅਤੇ ਸਿੰਗਾਪੁਰ ਵਿਚਕਾਰ ਸਹਿਯੋਗ ਵਧਾਉਣ ਲਈ ਹਾਲ ਹੀ ਵਿੱਚ ਨਵਾਂ ਸਮਝੌਤਾ ਕੀਤਾ ਗਿਆ ਹੈ ਜਿਸ ਵਿੱਚ ਖ਼ਾਸ ਕਰ ਕੇ ਹਰੇਕ ਤਕਨਾਲੋਜੀ, ਰੱਖਿਆ ਅਤੇ ਸਾਫ਼ ਊਰਜਾ ਖੇਤਰਾਂ ’ਤੇ ਧਿਆਨ ਦਿੱਤਾ ਗਿਆ ਹੈ। ਇਸ ਸਮਝੌਤੇ ਤਹਿਤ ਲਗਪਗ 20 ਅਰਬ ਆਸਟਰੇਲਿਆਈ ਡਾਲਰ ਤੱਕ ਦੇ ਨਿਵੇਸ਼ ਅਤੇ ਸਾਂਝੇ ਪ੍ਰਾਜੈਕਟਾਂ ਦੀ ਯੋਜਨਾ ਬਣਾਈ ਗਈ ਹੈ। ਆਸਟਰੇਲੀਆ ਦੇ ਪ੍ਰਧਾਨ ਮੰਤਰੀ ਐਂਥਨੀ ਐਲਬਨੀਜ਼ ਨੇ ਦੱਸਿਆ ਕਿ ਇਹ ਕਦਮ ਆਸਟਰੇਲੀਆ ਦੇ ਅਰਥਚਾਰੇ ਅਤੇ ਸੁਰੱਖਿਆ ਨੂੰ ਮਜ਼ਬੂਤ ਕਰੇਗਾ, ਜਦੋਂ ਕਿ ਸਿੰਗਾਪੁਰ ਦੇ ਪ੍ਰਧਾਨ ਮੰਤਰੀ ਲਾਰੈਂਸ ਵੌਂਗ ਨੇ ਇਸ ਨੂੰ ਭਵਿੱਖ ਲਈ ਰਣਨੀਤਕ ਭਾਈਚਾਰਕ ਸਾਂਝ ਵੀ ਦੱਸਿਆ। ਇਸ ਨਾਲ ਆਸਟਰੇਲੀਆ ਨੂੰ ਨਿਵੇਸ਼, ਨਵੀਂ ਤਕਨਾਲੋਜੀ ਅਤੇ ਰੁਜ਼ਗਾਰ ਦੇ ਮੌਕੇ ਮਿਲਣਗੇ। ਦੂਜੇ ਪਾਸੇ, ਸਿੰਗਾਪੁਰ ਨੂੰ ਵਪਾਰ ਵਿੱਚ ਵਾਧਾ, ਊਰਜਾ ਸੁਰੱਖਿਆ ਅਤੇ ਨਵੀਆਂ ਮਾਰਕੀਟਾਂ ਤੱਕ ਪਹੁੰਚ ਦਾ ਲਾਭ ਮਿਲੇਗਾ। ਇਹ ਸਮਝੌਤਾ ਦੋਵਾਂ ਦੇਸ਼ਾਂ ਲਈ ਆਰਥਿਕ ਵਿਕਾਸ ਅਤੇ ਖੇਤਰੀ ਸਥਿਰਤਾ ਨੂੰ ਮਜ਼ਬੂਤ ਕਰੇਗਾ।