ਨਵੀਂ ਦਿੱਲੀ 13 ਅਪ੍ਰੈਲ 2026 :ਫ਼ਿਲਮ ‘ਗਦਰ: ਏ ਪ੍ਰੇਮ ਕਥਾ’ ਰਾਹੀਂ ਇੰਡਸਟਰੀ ਵਿੱਚ ਆਪਣੀ ਪਛਾਣ ਬਣਾਉਣ ਵਾਲੀ ਅਦਾਕਾਰਾ ਅਮੀਸ਼ਾ ਪਟੇਲ ਵਾਂਗ ਉਨ੍ਹਾਂ ਦੇ ਭਰਾ ਅਸ਼ਮਿਤ ਪਟੇਲ ਨੇ ਵੀ ਬਾਲੀਵੁੱਡ ਵਿੱਚ ਕਿਸਮਤ ਅਜ਼ਮਾਈ ਸੀ। ਅਸ਼ਮਿਤ ਦੀ ਸ਼ੁਰੂਆਤ ਸ਼ਾਨਦਾਰ ਰਹੀ ਸੀ, ਪਰ ਸਮੇਂ ਦੇ ਨਾਲ ਉਹ ਹੁਣ ਇੱਕ ਤਰ੍ਹਾਂ ਨਾਲ ਗੁਮਨਾਮੀ ਦੇ ਹਨੇਰੇ ਵਿੱਚ ਹਨ।

ਹਾਲ ਹੀ ਵਿੱਚ ਇੱਕ ਇੰਟਰਵਿਊ ਦੌਰਾਨ ਅਸ਼ਮਿਤ ਪਟੇਲ ਨੇ ਸਿਨੇਮਾ ਜਗਤ ਵਿੱਚ ਕੰਮ ਮਿਲਣ ਅਤੇ ਪੈਸੇ ਦੇ ਅਧਾਰ ‘ਤੇ ਕੰਮ ਕਰਨ ਦੇ ਮਾਮਲੇ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਹੈ।

ਬਾਲੀਵੁੱਡ ਵਿੱਚ ਕੰਮ ਕਰਨ ‘ਤੇ ਕੀ ਬੋਲੇ ਅਸ਼ਮਿਤ?

ਅਸ਼ਮਿਤਪਟੇਲ ਨੇ ਸਾਲ 2003 ਵਿੱਚ ਫ਼ਿਲਮ ‘ਇੰਤਿਹਾ’ ਨਾਲ ਬਤੌਰ ਅਦਾਕਾਰ ਡੈਬਿਊ ਕੀਤਾ ਸੀ। ਫ਼ਿਲਮ ‘ਮਰਡਰ’ ਨਾਲ ਪ੍ਰਸਿੱਧੀ ਹਾਸਲ ਕਰਨ ਤੋਂ ਬਾਅਦ ਉਨ੍ਹਾਂ ਦੀਆਂ ਕਈ ਫ਼ਿਲਮਾਂ ਚੱਲ ਨਹੀਂ ਸਕੀਆਂ। ਹੁਣ ਅਸ਼ਮਿਤ ਨੇ ਆਪਣੀਆਂ ਤਰਜੀਹਾਂ ਬਦਲ ਲਈਆਂ ਹਨ ਅਤੇ ਉਹ ਜਲਦਬਾਜ਼ੀ ਵਿੱਚ ਕੋਈ ਕੰਮ ਨਹੀਂ ਕਰਨਾ ਚਾਹੁੰਦੇ।

ਆਪਣੇ ਨਵੇਂ ਮਿਊਜ਼ਿਕ ਵੀਡੀਓ ‘ਸਾਡੀ ਫਰਮਾਇਸ਼’ ਦੇ ਰਿਲੀਜ਼ ਮੌਕੇ ਅਸ਼ਮਿਤ ਨੇ ਕਿਹਾ, “ਮੇਰੀ ਤਰਜੀਹ ਹੁਣ ਸਿਰਫ਼ ਚੰਗਾ ਕੰਮ ਕਰਨਾ ਹੈ। ਮੈਂ ਦਰਮਿਆਨੇ ਦਰਜੇ ਦਾ ਕੰਮ ਨਹੀਂ ਕਰਨਾ ਚਾਹੁੰਦਾ। ਪਹਿਲਾਂ ਮੈਂ ਕੁਝ ਚੀਜ਼ਾਂ ਨਾਲ ਸਮਝੌਤਾ ਕੀਤਾ ਸੀ ਕਿਉਂਕਿ ਪੈਸੇ ਚੰਗੇ ਮਿਲ ਰਹੇ ਸਨ ਪਰ ਹੁਣ ਮੈਂ ਉਸ ਪੜਾਅ ‘ਤੇ ਹਾਂ ਜਿੱਥੇ ਮੈਨੂੰ ਸਿਰਫ਼ ਪੈਸਿਆਂ ਲਈ ਕੰਮ ਕਰਨ ਦੀ ਲੋੜ ਨਹੀਂ ਹੈ। ਹੁਣ ਮੈਂ ਕੰਮ ਨੂੰ ਲੈ ਕੇ ਬਹੁਤ ਸੁਚੇਤ ਹਾਂ।”

‘ਬਿਗ ਬੌਸ’ ‘ਚ ਵੀ ਦਿਖਾ ਚੁੱਕੇ ਹਨ ਜੌਹਰ

ਅਸ਼ਮਿਤ ਪਟੇਲ ਸੁਪਰਸਟਾਰ ਸਲਮਾਨ ਖਾਨ ਦੇ ਮਸ਼ਹੂਰ ਰਿਐਲਿਟੀ ਸ਼ੋਅ ‘ਬਿਗ ਬੌਸ’ ਦਾ ਹਿੱਸਾ ਵੀ ਰਹਿ ਚੁੱਕੇ ਹਨ। ਉਹ ‘ਬਿਗ ਬੌਸ’ ਸੀਜ਼ਨ 4 ਵਿੱਚ ਬਤੌਰ ਕੰਟੈਸਟੈਂਟ ਨਜ਼ਰ ਆਏ ਸਨ ਅਤੇ ਫਾਈਨਲ ਤੱਕ ਪਹੁੰਚੇ ਸਨ। ਉਹ ਇਸ ਸੀਜ਼ਨ ਦੇ ਸੈਕਿੰਡ ਰਨਰ-ਅੱਪ ਰਹੇ ਸਨ।