ਨਵੀਂ ਦਿੱਲੀ, 13 ਜਨਵਰੀ 2026 :- ਆਮਿਰ ਖਾਨ ਦੀ ‘ਦਾਦਾ ਸਾਹਿਬ ਫਾਲਕੇ’ ਬਾਇਓਪਿਕ, ਜੋ ਜਨਵਰੀ ਵਿੱਚ ਸ਼ੁਰੂ ਹੋਣ ਵਾਲੀ ਸੀ, ਹੁਣ ਮਾਰਚ ਤੱਕ ਟਾਲ ਦਿੱਤੀ ਗਈ ਹੈ ਕਿਉਂਕਿ ਰਾਜਕੁਮਾਰ ਹਿਰਾਨੀ ਵਿਸ਼ੇ ਦੀ ਸ਼ਖ਼ਸੀਅਤ ਦੇ ਹਿਸਾਬ ਨਾਲ ਸਕ੍ਰਿਪਟ ‘ਤੇ ਦੁਬਾਰਾ ਕੰਮ ਕਰ ਰਹੇ ਹਨ। ਹਿਰਾਨੀ ਅਤੇ ਆਮਿਰ ਇਸ ਗੱਲ ‘ਤੇ ਸਹਿਮਤ ਹਨ ਕਿ ਫਿਲਮ ਇਤਿਹਾਸ ਨਾਲ ਜੁੜੀ ਹੋਣ ਦੇ ਬਾਵਜੂਦ ਭਾਵਨਾਤਮਕ ਤੌਰ ‘ਤੇ ਅੱਜ ਦੇ ਸਮੇਂ ਦੀ ਲੱਗਣੀ ਚਾਹੀਦੀ ਹੈ।

ਤਾਰੀਖ ‘ਤੇ ਤਾਰੀਖ ਦੇ ਰਹੇ ਹਨ ਆਮਿਰ ਖਾਨ

ਫਿਲਮ ਵਿੱਚ ਦੇਰੀ ਕਿਉਂ ਹੋ ਰਹੀ ਹੈ?

ਰਿਪੋਰਟ ਮੁਤਾਬਕ ਸਕ੍ਰਿਪਟ ਦਾ ਇੱਕ ਨਵਾਂ ਡਰਾਫਟ ਤਿਆਰ ਕੀਤਾ ਜਾ ਰਿਹਾ ਹੈ, ਜੋ ਹਿਰਾਨੀ ਅਤੇ ਖਾਨ ਦੋਵਾਂ ਦੇ ਵਿਜ਼ਨ ਨਾਲ ਮੇਲ ਖਾਂਦਾ ਹੋਵੇ ਅਤੇ ਨਾਲ ਹੀ ਫਾਲਕੇ ਦੇ ਉਸ ਸਫ਼ਰ ਨਾਲ ਵੀ ਇਨਸਾਫ਼ ਕਰੇ ਜਿਸ ਨੇ ਉਨ੍ਹਾਂ ਨੂੰ ਭਾਰਤੀ ਸਿਨੇਮਾ ਦਾ ਪਿਤਾਮਾ ਬਣਾਇਆ। ਇੰਨੇ ਵੱਡੇ ਕਿਰਦਾਰ ‘ਤੇ ਫਿਲਮ ਬਣਾਉਣ ਤੋਂ ਪਹਿਲਾਂ ਹਿਰਾਨੀ ਚਾਹੁੰਦੇ ਹਨ ਕਿ ਇਸ ਨੂੰ ਹੋਰ ਵਧੀਆ ਤਰੀਕੇ ਨਾਲ ਘੜਿਆ ਜਾਵੇ। ਹਿਰਾਨੀ ਅਤੇ ਆਮਿਰ ਇਸ ਗੱਲ ‘ਤੇ ਸਹਿਮਤ ਹਨ ਕਿ ਫਿਲਮ ਨੂੰ ਇਤਿਹਾਸ ਨਾਲ ਜੁੜੇ ਰਹਿੰਦੇ ਹੋਏ ਵੀ ਭਾਵਨਾਤਮਕ ਤੌਰ ‘ਤੇ ਅੱਜ ਦੇ ਸਮੇਂ ਦੀ ਲੱਗਣਾ ਚਾਹੀਦਾ ਹੈ।

ਹਿੱਟ ਰਹੀ ਹੈ ਅਦਾਕਾਰ-ਨਿਰਦੇਸ਼ਕ ਦੀ ਇਹ ਜੋੜੀ

ਆਮਿਰ ਖਾਨ ਅਤੇ ਰਾਜਕੁਮਾਰ ਹਿਰਾਨੀ ਦੀ ਜੋੜੀ ਵੱਡੀ ਹਿੱਟ ਰਹੀ ਹੈ। ਚਾਹੇ ‘3 ਇਡੀਅਟਸ’ ਹੋਵੇ ਜਾਂ ‘ਪੀਕੇ’, ਦੋਵਾਂ ਫਿਲਮਾਂ ਨੇ ਬਾਕਸ ਆਫਿਸ ‘ਤੇ ਨਵੇਂ ਰਿਕਾਰਡ ਕਾਇਮ ਕੀਤੇ ਸਨ। ‘3 ਇਡੀਅਟਸ’ ਬਾਲੀਵੁੱਡ ਦੀ ਪਹਿਲੀ 200 ਕਰੋੜ ਦਾ ਅੰਕੜਾ ਪਾਰ ਕਰਨ ਵਾਲੀ ਫਿਲਮ ਸੀ, ਜਦਕਿ ‘ਪੀਕੇ’ ਬਾਲੀਵੁੱਡ ਦੀ ਪਹਿਲੀ 300 ਕਰੋੜ ਕਮਾਉਣ ਵਾਲੀ ਫਿਲਮ ਸੀ। ਹੁਣ ਦਰਸ਼ਕ ਇਸ ਜੋੜੀ ਦੀ ਆਉਣ ਵਾਲੀ ਫਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।

ਪਿਛਲੇ ਮਹੀਨੇ ਅਜਿਹੀਆਂ ਅਫ਼ਵਾਹਾਂ ਸਨ ਕਿ ਅਦਾਕਾਰ ‘3 ਇਡੀਅਟਸ’ (2009) ਦੇ ਸੀਕਵਲ ‘ਤੇ ਕੰਮ ਸ਼ੁਰੂ ਕਰ ਸਕਦੇ ਹਨ, ਪਰ ਉਨ੍ਹਾਂ ਨੇ ਇਸ ਗੱਲ ਤੋਂ ਇਨਕਾਰ ਕੀਤਾ ਕਿ ਉਨ੍ਹਾਂ ਨਾਲ ਇਸ ਲਈ ਸੰਪਰਕ ਕੀਤਾ ਗਿਆ ਹੈ। ਇਹ ਬਾਇਓਪਿਕ ਸੁਪਰਸਟਾਰ ਦੀ ਅਗਲੀ ਫਿਲਮ ਹੋਵੇਗੀ।

ਦਾਦਾ ਸਾਹਿਬ ਫਾਲਕੇ ਬਾਰੇ ਧੁੰਡੀਰਾਜ ਗੋਵਿੰਦ ਫਾਲਕੇ, ਜਿਨ੍ਹਾਂ ਨੂੰ ਦਾਦਾ ਸਾਹਿਬ ਫਾਲਕੇ ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ, ਇੱਕ ਭਾਰਤੀ ਨਿਰਮਾਤਾ, ਨਿਰਦੇਸ਼ਕ ਅਤੇ ਪਟਕਥਾ ਲੇਖਕ ਸਨ। ਉਨ੍ਹਾਂ ਨੂੰ ‘ਭਾਰਤੀ ਸਿਨੇਮਾ ਦਾ ਪਿਤਾਮਾ’ ਮੰਨਿਆ ਜਾਂਦਾ ਹੈ। ਫਾਲਕੇ ਦੀ ਪਹਿਲੀ ਫਿਲਮ, ‘ਰਾਜਾ ਹਰੀਸ਼ਚੰਦਰ’ (1913), ਪਹਿਲੀ ਭਾਰਤੀ ਮੋਸ਼ਨ ਪਿਕਚਰ ਸੀ ਅਤੇ ਇਸਨੂੰ ਭਾਰਤ ਦੀ ਪਹਿਲੀ ਫੁੱਲ-ਲੈਂਥ ਪੌਰਾਣਿਕ ਫੀਚਰ ਫਿਲਮ ਵਜੋਂ ਪਛਾਣਿਆ ਜਾਂਦਾ ਹੈ। ਇਸ ਫਿਲਮ ਦੀ ਸਫਲਤਾ ਨੇ ਭਾਰਤੀ ਸਿਨੇਮਾ ਦੀ ਸ਼ੁਰੂਆਤ ਕੀਤੀ ਅਤੇ ਦੇਸ਼ ਵਿੱਚ ਫਿਲਮ ਇੰਡਸਟਰੀ ਦੇ ਵਿਕਾਸ ਨੂੰ ਪ੍ਰੇਰਿਤ ਕੀਤਾ। ਦਾਦਾ ਸਾਹਿਬ ਦਾ ਜਨਮ 30 ਅਪ੍ਰੈਲ 1870 ਨੂੰ ਹੋਇਆ ਸੀ ਅਤੇ 16 ਫਰਵਰੀ 1944 ਨੂੰ ਉਨ੍ਹਾਂ ਨੇ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ।