ਮਿੱਠੀ ਨਦੀ ਘੁਟਾਲਾ ਮਾਮਲੇ 'ਚ ਬਹੁਤ ਹੀ ਮੁਸ਼ਕਲਾਂ 'ਚ ਫਸ ਗਏ ਹਨ। ਪਹਿਲਾਂ ਉਨ੍ਹਾਂ 'ਤੇ ਆਰਥਿਕ ਅਪਰਾਧ ਸ਼ਾਖਾ (EOW) ਨੇ ਨਿਗਰਾਨੀ ਰੱਖੀ ਤੇ ਹੁਣ ਸ਼ੁੱਕਰਵਾਰ ਨੂੰ ਅਦਾਕਾਰ ਦੇ ਘਰ 'ਤੇ ED ਨੇ ਛਾਪਾ ਮਾਰਿਆ ਹੈ। ਈਡੀ ਨੇ ਸ਼ੁੱਕਰਵਾਰ ਨੂੰ ਡੀਨੋ ਮੋਰੀਆ ਦੇ ਘਰ ਸਮੇਤ 15 ਜਗ੍ਹਾ ਮੁੰਬਈ ਤੋਂ ਕੋਚੀ ਤਕ ਛਾਪੇਮਾਰੀ ਕੀਤੀ ਹੈ। ਏਐਨਆਈ ਅਨੁਸਾਰ 6 ਜੂਨ ਨੂੰ ED ਦੇ ਅਧਿਕਾਰੀ ਡੀਨੋ ਮੋਰੀਆ ਦੇ ਘਰ ਪਹੁੰਚੇ। ਅਦਾਕਾਰ ਦੇ ਘਰ ਦੀ ਇਕ ਵੀਡੀਓ ਵੀ ਸਾਹਮਣੇ ਆਈ ਹੈ।ਏਐਨਆਈ ਨੇ ਆਪਣੇ ਐਕਸ ਹੈਂਡਲ 'ਤੇ ਛਾਪੇ ਨਾਲ ਜੁੜੀ ਇਕ ਵੀਡੀਓ ਸਾਂਝੀ ਕਰਦਿਆਂ ਲਿਖਿਆ, "ਈਡੀ ਨੇ 65 ਕਰੋੜ ਰੁਪਏ ਦੇ ਕਥਿਤ ਮਿੱਠੀ ਨਦੀ ਦੀ ਸਫਾਈ ਮਾਮਲੇ 'ਚ ਬਾਲੀਵੁੱਡ ਅਦਾਕਾਰ ਡੀਨੋ ਮੋਰੀਆ ਦੀ ਰਿਹਾਇਸ਼ ਦੇ ਨਾਲ-ਨਾਲ ਮੁੰਬਈ ਅਤੇ ਕੋਚੀ 'ਚ 15 ਹੋਰ ਸਥਾਨਾਂ 'ਤੇ ਛਾਪੇ ਮਾਰੇ।"

ਦੋਸ਼ ਹੈ ਕਿ ਮਿੱਠੀ ਨਦੀ ਦੀ ਸਫਾਈ ਮਾਮਲੇ 'ਚ ਬਾਹਰੀ ਮੁੰਬਈ ਨਗਰ ਨਿਗਮ (BMC) ਦੇ ਅਧਿਕਾਰੀਆਂ ਤੇ ਕੁਝ ਠੇਕੇਦਾਰਾਂ ਨੇ ਮਿਲ ਕੇ ਲਗਪਗ 65 ਕਰੋੜ ਰੁਪਏ ਦਾ ਘੁਟਾਲਾ ਕੀਤਾ ਹੈ। ਇਹ ਕੰਮ ਜਿਨ੍ਹਾਂ ਮਸ਼ੀਨਾਂ ਨਾਲ ਹੋਣਾ ਸੀ, ਉਨ੍ਹਾਂ ਨੂੰ ਕਿਰਾਏ 'ਤੇ ਲੈਣ ਦੇ ਠੇਕੇ 'ਚ ਹੇਰਫੇਰੀ ਕੀਤੀ ਗਈ ਅਤੇ ਕੁਝ ਖਾਸ ਸਪਲਾਇਰਾਂ ਨੂੰ ਫਾਇਦਾ ਪਹੁੰਚਾਇਆ ਗਿਆ। ਰਿਪੋਰਟਾਂ ਦੇ ਅਨੁਸਾਰ, ਮਿੱਠੀ ਨਦੀ ਦੀ ਸਫਾਈ 'ਚ ਭਾਰੀ ਰਕਮ ਖਰਚ ਕੀਤੀ ਗਈ ਸੀ, ਪਰ ਓਨਾ ਪੈਸਾ ਮੀਠੀ ਨਦੀ ਨੂੰ ਸਾਫ ਕਰਨ ਵਿਚ ਨਹੀਂ ਲੱਗਿਆ। ਮਾਮਲੇ ਦੀ ਜਾਂਚ ਹੋਣ 'ਤੇ ਘੁਟਾਲੇ ਦੇ ਤਾਰ ਅਦਾਕਾਰ ਡੀਨੋ ਮੋਰੀਆ ਨਾਲ ਜੁੜੇ। ਕਿਹਾ ਜਾ ਰਿਹਾ ਹੈ ਕਿ ਮੋਰੀਆ ਨਾਲ ਜੁੜੀ ਇਕ ਕੰਪਨੀ ਉਨ੍ਹਾਂ ਫਰਮਾਂ 'ਚ ਸ਼ਾਮਲ ਹੈ, ਜਿਨ੍ਹਾਂ ਨੂੰ ਨਦੀ ਸਫਾਈ ਪ੍ਰੋਜੈਕਟ ਨਾਲ ਸਬੰਧਤ ਠੇਕੇ ਦਿੱਤੇ ਗਏ ਸਨ। ਇਸ ਮਾਮਲੇ 'ਚ ਡੀਨੋ ਮੋਰੀਆ ਖ਼ਿਲਾਫ਼ EOW ਨੇ ਨੋਟਿਸ ਜਾਰੀ ਕੀਤਾ ਅਤੇ ਸੋਮਵਾਰ ਨੂੰ 8 ਘੰਟੇ ਤਕ ਪੁੱਛਗਿੱਛ ਕੀਤੀ ਗਈ। ਇਸ ਸਮੇਂ ਤੱਕ, ਅਦਾਕਾਰ ਵੱਲੋਂ ਇਸ ਬਾਰੇ ਕੋਈ ਅਧਿਕਾਰਤ ਬਿਆਨ ਸਾਹਮਣੇ ਨਹੀਂ ਆਇਆ ਹੈ।