ਕੈਨੇਡਾ-ਫੈਡਰਲ ਚੋਣਾਂ ਲਈ ਦੇਸ਼ ਭਰ ਵਿਚ ਐਡਵਾਂਸ ਪੋਲਿੰਗ ਬੀਤੇ ਦਿਨੀਂ ਯਾਨੀਕਿ ਸ਼ੁੱਕਰਵਾਰ ਤੋਂ ਸ਼ੁਰੂ ਹੋ ਚੁੱਕੀਆਂ ਹਨ। ਇਸ ਵਿੱਚ ਰਜਿਸਟਰਡ ਵੋਟਰ 18 ਤੋਂ 21 ਅਪ੍ਰੈਲ ਤੱਕ ਨਿਰਧਾਰਿਤ ਪੋਲਿੰਗ ਸਟੇਸ਼ਨ ਵਿਚ ਜਾਂ ਨਜ਼ਦੀਕੀ Elections ਕੈਨੇਡਾ ਦਫ਼ਤਰ ਵਿੱਚ ਡਾਕ ਰਾਹੀਂ ਜਾਂ ਇਨ-ਪਰਸਨ ਸਪੈਸ਼ਲ ਬੈਲਟ ਰਾਹੀਂ ਵੋਟ ਪਾ ਸਕਦੇ ਹਨ।ਦੱਸ ਦਈਏ ਕਿ ਵੋਟ ਪਾਉਣ ਲਈ ਸਵੇਰ 9 ਵਜੇ ਤੋਂ ਸ਼ਾਮ 9 ਵਜੇ ਤੱਕ ਦਾ ਸਮਾਂ ਹੈ। ਬਰੈਂਪਟਨ ਵਿੱਚ ਭਾਰੀ ਗਿਣਤੀ ਵਿੱਚ ਵੋਟਰ ਆਪਣੀ ਵੋਟ ਪਾਉਣ ਲਈ ਪੁੱਜ ਰਹੇ ਹਨ। ਸਾਡੇ ਨਾਲ ਗੱਲਬਾਤ ਕਰਦੇ ਲਿਬਰਲ ਸਮਰਥਕਾਂ ਨੇ ਆਪਣੀ ਵੱਡੀ ਜਿੱਤ ਦਾ ਦਾਅਵਾ ਕੀਤਾ। ਕੰਸਰਵੇਟਿਵ ਪਾਰਟੀ ਦੇ ਸਮਰਥਕਾਂ ਨੇ ਜ਼ਿਆਦਾ ਪੋਲਿੰਗ ਨੂੰ ਆਪਣੀ ਜਿੱਤ ਦੱਸਿਆ। ਯਾਦ ਰਹੇ ਕੈਨੇਡਾ ਵਿੱਚ ਅਜੇ ਵੀ ਵੋਟ ਬੈਲਟ ਪੇਪਰ 'ਤੇ ਹੀ ਪੈਂਦੀ ਹੈ। ਚੋਣਾਂ ਦਾ ਆਖਰੀ ਦਿਨ ਸੋਮਵਾਰ 28 ਅਪ੍ਰੈਲ ਹੈ।